荃灣荃豐中心一連幾個商場大家相信都識啦，佢入面有好多嘢食架，呢日我哋就嚟到最尾嘅昌寜商場嘅王子餐廳食lunch喇。
佢個menu係人手粉筆字寫，個個餐個名都水蛇春咁長，寫得好有心機。我叫咗個芝士忌廉汁龍脷柳焗飯，你以為忌廉汁一定係白色？錯！呢度嘅忌廉汁係青色架，而且有啲青草味 (...其實係咪比錯汁)？
健生太郎就好鍾意佢個A餐沙律健身餐，係冷盤嚟，菜+肉+澱粉質比例係2:1:1，非常健康。呢度嘅四色咖哩都幾出名，姐係一碟飯有4種唔同嘅咖哩汁，大家都可以嚟試吓。
#顛覆我對忌廉汁嘅邏輯 #世事無絕對 ＃食勻荃灣
－－－－－－－－－－－－－
王子廚房
荃灣西樓角路202-216荃昌中心昌寜商場1樓48號舖
Search